Toshbaqalar

Aka-uka Donni va Mik o‘zlarining yoqimtoy singillari Reyni bilan seriyadan seriyaga bolalarning barchasiga yaxshi tanish va tushunarli bo‘lgan turfa hayotiy vaziyatlarga tushib qolishadi. Toshbaqalar atrofdagi olamni o‘rganadilar va ijod bilan shug‘ullanadilar, ritsarlar va detektivlar bo‘lib o‘ynaydilar, kundalik muammolar va kelishmovchiliklardan mustaqil ravishda chiqish yo‘lini topadilar. Agar o‘yinchoqlaringni kim bilandir bo‘lishish kerak bo‘lsa-yu, bo‘lishging kelmasa, nima qilish kerak? Sevimli narsang buzilib qolsa, qanday qilib xafa bo‘lmaslik mumkin? Eng-eng «o‘zgacha» bo‘lishga intilish kerakmi? Yig‘ishtirishni qiziqarli mashg‘ulotga aylantirish mumkinmi? Donni, Mik va Reyni birgalikda shu va boshqa ko‘plab savollarga javob topadilar. Yana chiqargan xulosalari haqida yengil, mehribon qo‘shiq ham kuylashadi! ivi bilan birga «Toshbaqalar» nomli qiziqarli va tarbiyaviy multserialni onlayn tomosha qiling.