Meyr iz Isttaun

Maktabda Meyr basketbol jamoasining yulduzi bo‘lgan va hatto super uloqtirishi uchun «Lochin xonim» laqabini ham olgan. Endi esa u charchagan, ajrashgan, o‘rta yoshli ayol, chekka hudud politsiyasida xizmat qiladi. Shaxsiy hayoti o‘xshamagan, yaqinlari bilan munosabatlari esa havas qilgudek emas. Buning ustiga, ishxonada bir paytlar tashlab qo‘yilgan murakkab ish yana ko‘tariladi: qizi yo‘qolgan Meyrning eski dugonasi politsiyachilarni harakatsizlikda ayblaydi. Okrugda boshqa bir qizning jasadi topilgach, voqealar kutilmagan tus oladi. Bu ikki fojia o‘zaro bog‘liqmi? Yordamga kelgan okrug detektivi Kolin bilan birga Meyr qorong‘i tergovga sho‘ng‘iydi. U eski tanishlarining sirlarini ochishi va yo‘qotishlari hamda xatolari bilan to‘la o‘z o‘tmishining yuziga tik qarashi kerak bo‘ladi.