“Bu qamoqxona” - Sanemning faqat opasi tufayli ishga joylashgan yangi kompaniyasi haqidagi birinchi fikri shu boʻladi. Sanemning orzulari butunlay boshqacha edi - bestseller yozish va Galapagos orollariga koʻchib ketish, ammo ota-onasi qizini xayollar osmonidan yerga tushirishning yoʻlini topishdi. Ular uni erga berib yuborish bilan qoʻrqitishadi. Qoʻrqqanidan Sanem muvaffaqiyatli reklama agentligida “u yer-bu yerga yugur” ishiga rozi boʻldi. Toʻgʻrirogʻi, makkor raqobatchi va sirli korporativ josus paydo boʻlguniga qadar, agentlik muvaffaqiyatli edi. Uni qidirishni yangi boshliq - kasal otasi uchun yuqori lavozimni qabul qilgan sayohatchi-fotograf Jan oʻz zimmаsiga oladi. Biroq uning shuhratparast akasi bunday vaziyatdan mamnun emas. Bechora Sanem ikki boshliq oʻrtasida, goʻyo ikki oʻt orasida qolganday, sarson-sargardon boʻladi. Ishdagi dahshatli vaziyat yetmagandek, gʻira-shirada tasodifan uni oʻpib qoʻygan sirli notanish kishini ham xayolidan chiqara olmaydi. Sanem oʻz orzularida uni Albatros deb ataydi.
